Санаи 28 майи соли равон дар ноҳияи Восеи вилояти Хатлон, дар якҷоягӣ бо кормандони СХДО ВКД, мақомоти иҷроияи ҳокимияти давлатии маҳал, Бозрасии технекӣ, КВДҶ "Тоҷикагролизинг" бо роҳбарии муовини вазири кишоварзӣ Зеваршои Зеваршо семинар-машварат баргузор гардид.

Дар семинар-машварат муовини вазири кишоварзӣ Зеваршои Зеваршо, муовини якуми раиси вилояти Хатлон Салимзода Амонулло, Сардори СХДО ВКД генерал-майор Умарзода Б, оид ба таҳкими бехатарӣ аз сухтор, ҷамъоварии беталафи зироатҳои ғалладона, хӯроки чорво, инчунин пешгирии сухтор дар ҷангалзорҳо, мамнуъгоҳҳо ва боғҳо баромад намуданд.

Инчунин аз ҷониби ммутахассисони СХДО ВКД оид ба пешгирӣ ва барҳам додани сухтор дарсҳои методӣ гузаронида шуд.

 

Шуъбаи матбуот ва иттилооти Вазорати кишоварзии Ҷумҳурии Тоҷикистон