Санаи 6 июли соли 2022 бо ташаббуси Вазорати кишоварзии ҷумҳурии Тоҷикистон, КВҶД “Тоҷикагролизинг” ва ҶСП “Агротехсервис” дар хоҷагии ҶДММ “Латиф Муродов”-и шаҳри Ҳисор семинар-машварат таҳти унвони “Як рӯз дар саҳро” баргузор гардид.

Дар кори семинар муовини вазири кишоварзӣ Зеваршои Зеваршо, Сафири Ҷумҳурии Белорусия дар Ҷумҳурии Тоҷикистон Денисенко Виктор, мушовири сафорат Клига Геннадий, кормандони зертоъбеи вазорати кишоварзӣ, намояндагони хоҷагиҳои деҳқонӣ ва фермерӣ аз вилоятҳои Суҳду Хатлон ва НТҶ ширкат варзиданд.

Дар семинари мазкур комбайни ғалладарави GS-200, ки бори аввал бо дархости хоҷагиҳои деҳқонӣ ба Ҷумҳурии Тоҷикистон ворид шудааст, доир ба имкониятҳои он ва кори он дар саҳро намоиш дода шуд.

Комбайни ғалладарави GS-200 истеҳсоли корхонаи “ГОМСЕЛМАШ”-и Ҷумҳурии Белорусия буда, иқтидори муҳаррики он 140 қувваи асп мебошад. Барои кор дар хоҷагиҳои ҷумҳурии мо ва аз ҷиҳати камхароҷотӣ хело мувофиқ мебошад.

Маркази матбуот ва иттилооти Вазорати кишоварзии Ҷумҳурии Тоҷикистон