Муовини якуми Вазири кишоварзии  Ҷумҳурии Тоҷикистон Музаффар Мирзозода, сардори Сарраёсати кишоварзии вилояти Суғд Маъруф Шарифиён, муовини якуми раиси ноҳияи Деваштич У.Маҳмадёрзода, сардори МД “Муҳофизати растаниҳо ва химикунонӣ” Б.Зокиров, мутахассисони Институти боғу токпарварӣ ва сабзавоткории АИКТ А.Акрамов, З.Қурбонов ва дигар масъулини соҳа дар асоси муроҷиати хоҷагиҳои картошкапарвари ноҳияи Деваштич ҷиҳати пешгирӣ ва мубориза бо ҳашаротҳои зараррасон аз майдонҳои киштзор дидан намуданд.

Ҳангоми азназаргузаронии қитъаҳои алоҳидаи майдони картошкаи хоҷагиҳои “Шоҳон”, “Муҳаммадиев А”, “Баротов А”, “Почоев Ю”, “Суҳайлӣ”, “Сурхоб” ва КИ “Хуҷаҳо”-и ноҳияи Деваштич бар зидди ҳашароти зараррасони кирми картошка коркарди кимиёвӣ гузаронида шуд.

Дар коркарди кимиёвӣ асосан заҳрдоруҳои  Толстар, Энжио, Актара Макс ва Актелик ки таъсирнокии хуб доштанд аз ҷониби мутахассисони соҳа ба кишоварзон барои истифодаи минбаъда тавсия дода шуд.

Дар маҷмуъҳолати картошказорҳо хуб буда, барои баланд бардоштани ҳосилнокӣ чорабиниҳои агротехникӣ саривақт гузаронида шуда, бо тавсияи мутахассисон ва олимони соҳа ба хоҷагидорон ҷиҳати пешгирии минбаъда дастур дода шуд.

Шуъбаи матбуот ва иттилооти Вазорати кишоварзии Ҷумҳурии Тоҷикистон