Дар раванди ислоҳот ба соҳаи кишоварзӣ ҳамчун яке аз соҳаҳои муҳими иқтисоди кишвар эътибори аввалиндараҷа дода мешавад, зеро ҳифзи амнияти озуқавории мамлакат аз сатҳи рушди ин соҳа вобастагии амиқ дорад.

Эмомалӣ Раҳмон

Маслиҳати мутахассис! Роҳҳои коркарди гармхонаҳо бо маҳлули купороси мис дар давраи баҳорӣ!

15.12.2021

       Гармхонаҳо аслан бо мақсади таъмини бозорҳои дохилӣ бо маҳсулоти ватанӣ, ташкили ҷойҳои нави корӣ ва ба роҳ мондани содироти маҳсулоти кишоварзӣ, аз ҷумла помидору бодиринг амалӣ карда мешавад. Дар гармхонаҳои замонавии ҷумҳурӣ ки аз ҷониби хоҷагидорон ва соҳибкорон сохта мешаванд аслан сабзавоти барвақтӣ, аз ҷумла навъҳои серҳосили помидору бодиринг бо усулҳои муосир парвариш карда мешавад. Дар сурати муътадил гардидани ҳарорати дохилӣ болопӯш ва атрофи он кушода карда мешавад. Гармхона  макони муҳофизати хуби  растаниҳо аз шароити номусоиди обу ҳавост, аммо дар айни замон, ҳашарот, микроорганизмҳо ва бактерияҳои дигар метавонанд ба он хеле зуд ворид шаванд, ки ба сабзавоти парваришёфта зарари назаррас расонанд.

       Коркарди гармхона дар фасли баҳор бо купороси мис ҳангоми истифодаи дезинфексияи хок ва гузаронидани дезинфексияи гармхона зарур мешавад. Одатан, коркард пас аз ба охир расидани мавсими ғунучини маҳсулотҳо ё аввали тирамоҳ, пеш аз оғози корҳои кишоварзӣ - тақрибан 14 рӯз пеш анҷом дода мешавад. Барои ин истифодаи купороси мис дар шароити гармхона аз фоида холӣ нест.

        Фоидаҳои ин намуди коркард дар фасли баҳор раднопазиранд. Ба туфайли истифодаи маҳлули дар асоси купороси мис мавҷудбуда, ҳангоми коркарди дохили гармхона шумораи зиёди барангезандаҳои намудҳои гуногуни касалиҳои зироатҳои сабзавотӣ ва ситрусӣ  халос шудан мумкин аст, ки дар байни  онҳо фитофтороз, сиёҳаки поя, монилиоз, септориоз ва дигар намудҳои касалиҳои сироятӣ ва ғайрисироятӣ ки дар гармхона дар шароити ҷумҳурӣ вомехӯранд, ба шумор мераванд. Ғайр аз он, тамоми ҳашароти зараррасони мавҷуда ва кирмҳои онҳоро нест кардан мумкин аст. Тавре ки таҷриба нишон медиҳад, коркарди иншоот хеле осон аст, ҳама метавонанд аз ӯҳдаи кор бароянд. Илова бар ин, фаромӯш накунед, ки беҳтарин табобат барои бисёр касалиҳои зироатҳои сабзавотӣ ин  пешгирӣ аст ва купороси мис  барои ин мақсадҳо беҳтарин аст.

                    Муҳлати тавсияшаванда

       Агар коркарди унсурҳои гулхонаи поликарбонат зарур шуда бошад, пас ҳамаи корҳо бояд пас аз ба охир расидани кишт гузаронида шаванд. Бо ин мақсад маҳлули  консентратсияи зарурӣ омода карда шуда, тамоми  гармхона  пошида мешавад. Коркарди замини гармхона дар аксари ҳолат  якчанд ҳафта пеш аз санаи ба нақша гирифташудаи кишти маводи кишту кор кардашаванда гузаронида мешавад. Дар раванди гузаронидани коркарди дезинфексионӣ дар гармхона  ягон растанӣ набояд  бошад, чунки имконияти нобудшавии он мавҷуд аст.  Ба консентратсияи доруи истифодашуда бояд диққати махсус дода шавад, зеро эҳтимолияти ба замин зарари ҷиддӣ расидан вуҷуд дорад. Беҳтараш низоми қадам ба қадами корро риоя кунед, ки дар натиҷаи он зуд натиҷа ва самараи дилхоҳ ба даст овардан мумкин аст.

           Маҳлули Купороси мис чӣ тавр омода карда мешавад?

      Барои  коркарди хок  консентратсияи дору бояд хеле камтар бошад. Ин пеш аз ҳама ба он вобаста аст, ки купороси мис қодир аст, ки туршии заминро афзоиш диҳад, ба хоки ғизоӣ таъсири манфӣ расонад. Пеш аз оғози иҷрои кор, тавсия дода мешавад, ки аввал тамоми растаниҳои боқимондаро аз гармхона тоза карда шавад, асбоби истифодашуда, зарфҳои барои обёрӣ пешбинишуда ва контейнерҳо барои шинондани маводи ниҳолшинонӣ аз дохили гармхона бароварда шавад. Танҳо пас аз он шумо метавонед ба коркарди замин шурӯъ кунед. Ба як сатил об 50 г купороси мис илова кунед.

      Диққат! Агар мо сарфияти маҳлулро  ба назар гирем, пас  барои коркарди 1 м бояд 2 литр маҳлули омодашударо гирифта коркард намудан зарур аст.

      Барои коркарди дохили гармхонаи аз металл ё пластмасса сохташуда маҳлули таносуби зеринро тайёр кардан лозим аст: 100 г дору дар як сатил об. раванди тайёр намудани маҳлул  чунин аст:

  1. Хокаи Купороси мис пешакӣ дар миқдори ками оби гарм ҳал карда мешавад.
  2. Бо илова кардани миқдори зарурии об консентратсияро ба сатҳи дилхоҳ расонед.
  3. Барои он, ки таъсири пайвастшавии маҳлул ба мавод баландтар бошад, шумо метавонед ба миқдори150 гр. собуни моеъ илова кунед

       Коркарди гармхона бо купороси мис пеш аз шинонидани зироатҳо

       Пас аз омода шудани маҳлул, шумо метавонед корро оғоз кунед.

       Пеш аз оғози корҳои ниҳолшинонӣ ва тухмии зироатҳо, тавсия дода мешавад, ки дар раванди кор  қоидаи он марҳила ба марҳила риоя карда шавад:

  1. Қадами аввал ғамхории чораҳои бехатарии шахсӣ ва пӯшидани дастпӯшакҳои резинӣ мебошад.
  2. Маҳлули 10% -ро барои табобати деворҳо, шифтҳо, фарши чӯбӣ истифода бурдан мумкин аст. Яъне, 100 г доруро дар 10 литр оби тоза ҳал кардан лозим меояд. Об бояд то 50 ° C гарм карда шавад.
  3. Пеш аз оғози раванди ба сатҳи гармхона истифода бурдани маҳлули омодашуда, тавсия дода мешавад, ки ҳамаи асбобҳо бо маводи кимиёвии хонагӣ пешакӣ тоза карда шуда, тозакунии тар гузаронида шавад. Ин барои тоза кардани чирк, хок ва партовҳои мавҷуда зарур аст. Агар гармхона масолеҳи  чӯбӣ дошта бошад, пас бисёр мутахассисон тавсия медиҳанд, ки ба болои онҳо оби ҷӯшон рехта шавад, бинобар ин самаранокии сулфати мис ба таври назаррас афзоиш меёбад.
  4. Усули беҳтарини ба кор бурдани маҳлул истифодаи обпошакҳои дастии дорупошӣ мебошад. Пеш аз истифодаи маҳлул, онро бо истифодаи докаи дуқабата барои ин мақсад филтр кардан лозим аст.

        Дар баъзе ҳолатҳо, таркиб бо хасу олида мешавад, пас аз он, вақте ки таркиб хушк мешавад, тартиб такрор карда мешавад.

        Пас аз 4 моҳ такроран як бори дигар гармхона бояд бо ҳамин тарз коркард карда шавад.

        Диққат! Ба ҷойҳои душворгузар бояд диққати махсус дода шавад, зеро дар ин ҷо бештар  бактерияҳо ҷамъ мешаванд.

                   Коркарди хоки  гармхона бо Купороси мис

        Дар фасли баҳор маҳлули купороси мис аз ҷониби бисёр сокинон истифода мешавад, зеро ин усул вақти зиёдро талаб намекунад, ҳама корҳоро иҷро карда метавонанд ва муҳимтар аз ҳама, ин усули кишт самаранок аст ва хароҷоти калонро талаб намекунад. Барои ноил шудан ба натиҷаи дилхоҳ, дақиқ фаҳмидани он ки чӣ гуна ҳамаи амалҳоро иҷро кардан  лозим аст.

       Пеш аз сар шудани кишт замин дезинфекция карда мешавад. Чун қоида, ин 7 рӯз пеш аз вақти пешбинишудаи фаровардани маводи ниҳолшинонӣ анҷом дода мешавад. Бо ин мақсадҳо, шумо бояд 1 литр оби тоза бигиред ва 30 г доруро дар он ҳал карда, баъд заминро об диҳед.

       Барои он ки хока комилан ҳал шавад, обро то 50 ° С пешакӣ гарм кардан тавсия дода мешавад. Дар дохили гармхона, дар хок, чуқуриҳои кофта ба он маҳлули дар асоси сулфати мисро резед. Тавсия дода мешавад, ки хок бо маҳлули 3% коркард карда шавад.

                        Чораҳои  бехатарӣ ҳангоми коркард.

       Пеш аз оне ки ба раванди  оғози  коркарди гулхона сар мекунед, истифодаи аз маҳлули дар асоси сулфати мис тавсияшаванда, ҳушдор шудан даркор ки шумо бо як моддаи ба қадри кофӣ заҳролуд тамос мегиред. Аз ин сабаб фаромӯш накардани чораҳои бехатарии шахсӣ муҳим аст

       Дар ин ҳолат, шумо бояд аз дастпӯшакҳои резинӣ истифода баред. Ғайр аз ин, ҳангоми кор дар гармхона молидани чашм ва луобпардаҳо тавсия дода намешавад. Дар ҳолате, ки бо ягон сабаб дору ба чашм меафтад, пас шумо бояд фавран онҳоро бо оби хунуки равон тоза кунед. Пас аз ба итмом расидани ҳама корҳо, дастпӯшакҳоро кушода, партофтан ва дастҳои худро бо оби гарм ва собун бодиққат шустан лозим аст.

       Коркарди гармхона дар фасли баҳор бо купороси мис роҳи хеле самарабахши мубориза бар зидди ҳашарот, бактерияҳо, замбӯруғҳо ва мағорҳои касалиовар  аст. Тавре ки амалия нишон медиҳад, шумо метавонед маҳлулро  омода намуда  ҳамаи корҳоро худатон иҷро кунед ғайр аз ин, ҳангоми кор бо доруҳо чораҳои эҳтиётиро фаромӯш накунед. Агар шумо бо мутахассисони соҳаи муҳофизати растанӣ марҳила ба марҳила кор, маслиҳатҳо ва тавсияҳои онҳоро риоя кунед, пас натиҷаи дилхоҳ ба даст овардан хеле осон хоҳад буд ва гармхона боэътимод ҳифз карда мешавад.

 

  Муовини сардори Раёсати робитаҳои байналмилалӣ,

  илм ва татбиқи дастовардҳои илмӣ, номзади илмҳои кишоварзӣ    Солиев Ш. Т.
 
Шуъбаи матбуот ва иттилоот

Илова кунед: