Санаи 1-умӣ ноябри соли 2021 дар толори маҷлисгоҳи Вазорати кишоварзӣ мулоқоти Вазири кишоварзии Ҷумҳурии Тоҷикистон муҳтарам Зиёзода С.Р., бо намояндагони Агентии Ҷопон оид ба ҳамкориҳои байналмилалӣ JICA  дар Тоҷикистон дар сатҳи баланд баргузор гардид.

       Дар мулоқоти мазкур Вазири кишоварзӣ Зиёзода С.Р., муовини якуми вазир Каримзода С.Ғ., ва муовинони раёсати растанипарварӣ, сиёсати амнияти озуқаворӣ, сармутахассисии Раёсати робитаҳои байналмилалии дастгоҳи марказии вазорат ва инчунин намояндагони Агентии мазкур Мунео Такасака-роҳбари намояндагии JICA дар Тоҷикистон, Ҷиро Айвака -мушовири Калон, дафтари марказии JICA, хонум Кумико Шуто- мушовири ширкати Parther, IMG Inc, хонум Томоми Хасегава -корманди Раёсати кишоварзии дафтари марказии JICA, Наото Ватанабэ-мутахассис дар сатҳи рушди Агробизнес ва Атоев Шоҳрух- ҳамохангсози барномаҳои JICA дар Тоҷикистон иштирок намуданд.

     Мақсади вохурии мазкур мулоқоти арзи эҳтиром муҳокимаҳои ҳамкориҳои дуҷониба дар рушди соҳаи кишоварзӣ, ҷанбаҳои гуногун аз қабили навовариҳои технологӣ ва таҷриба дар бахшҳои амнияти озуқаворӣ, кишоварзии устувор ва биотехнология, ҳалли офатҳои табиии экологӣ аз қабили биёбоншавӣ, эрозия ва шӯршавии хок ва инчунин дастрасии тухмиҳои хушсифати ғалладонагиҳо, гандум, картошка, хамкориҳои судманд бо олимони АИКТ, таъсиси маркази иттилотии машварати кишоварзӣ ва дигар масъалаҳои муҳими самти кишоварзӣ баррасӣ шуданд.

Шуъбаи матбуот ва иттилоот