Дар Вазорати кишоварзии Ҷумҳурии Тоҷикистон бо иштироки муовини Ректори Донишгоҳи давлатии аграрии Иркутск ба номи А.А. Ежевский Репеский Олег Владимирович мулоқот баргузор гардид.

Дар мулоқот Вазири кишоварзӣ Каримзода Саъдӣ Ғафор, ректори Донишгоҳи аграрии Тоҷикистон Маҳмадёрзода Усмон ва ноиби президенти Академияи илмҳои кишоварзӣ Амиршоев Файзулло иштирок ва ибрози андеша намуданд.

Ҷонибҳо бо итминон қайд намуданд, ки мулоқоти мазкур дар ҳамкориҳои соҳаи маориф ва соҳаи кишоварзӣ Ҷумҳурии Тоҷикистону Федератсияи Русия такони тоза бахшида, саҳми хоса хоҳад гузошт.

Аз ҷумла дар рафти мулоқот Ёддошти ҳамкорӣ байни Вазорати кишоварзии Ҷумҳурии Тоҷикистон ва Донишгоҳи давлатии аграрии Иркутск ба номи А.А. Ежевский ба имзо расонида шуд.

Бояд қайд намуд, ки минбаъд дар асоси Ёддошти ба имзо расонидаи ҷонибҳо довталабон аз Ҷумҳурии Тоҷикистон барои таҳсил дар  Донишгоҳи давлатии аграрии Иркутск ба номи А.А. Ежевский тибқи меъёри қабули донишҷуён дар муассиса ройгон таҳсил намоянд ва ҳамзамон аз имтиёзҳои гуногун аз ҷумла, хобгоҳ, идрорпулиҳо бархӯрдор шаванд.  

Шуъбаи матбуот ва иттилоот