Рафти шудгор ва кишти тирамоҳию барвақтии зироатҳои кишоварзӣ дар хоҷагиҳои деҳқонӣ ва ҷамоавии ҷумҳурӣ

Дар асоси  маълумотҳои фаврии Раёсати растанипарварӣ оид ба рафти шудгор ва кишти тирамоҳию барвақтии зироатҳои кишоварзӣ мувофиқи вилоятҳо ва шаҳру ноҳияҳои ҷумҳурӣ ба ҳолати  25.10.2024 шудгор 610693 гектар ва кишти тирамоҳию барвақтӣ 186291 гузаронида  карда шавад.

Дар ҷумҳурӣ дар майдони 73764 гектар шудгор иҷро гардида,  дар майдони 44656 гектар кишт гузаронида шуд.

Аз ҷумла, ғалладонагиҳо 34597 гектар, гандум 30461 гектар ва ҷав 4136 гектар мебошад.

Инчунин кишти сабзавоти барвақтӣ дар майдони 9402 гектар кишт карда шуд.

Аз он пиёзи барвақтӣ 7679 гектар, сабзии барвақтӣ 1241  гектар, карами барвақтӣ 472 гектар ва дигар сабзавотҳои барвақтӣ 667 гектар майдон кишт карда шуд.

Ҷамъоварии ҳосили ғалладонагиҳо дар хоҷагиҳои деҳқонӣ ва ҷамоавии ҷумҳурӣ

Дар асоси маълумотҳои фаврии Раёсати растанипарварӣ оид ба ҷамъоварии ҳосили ғалладонагиҳо мувофиқи  вилоятҳо ва шаҳру ноҳияҳои ҷумҳурӣ ба ҳолати 25.10.2024 дар майдони 306966 гектар кишти ғалладонагиҳо  гузаронида шудааст.

Аз аввали мавсим майдони 304492 гектар ҷамъоварӣ карда шудааст, ки ҳосили умумӣ 938696 тонна ва ҳосилнокӣ аз ҳар як гектар 30,9 сентнерро ташкил медиҳад.

Рафти ҷамъоварии ҳосили пахта дар ҷумҳурӣ 

Мувофиқи маълумотҳо дар ҷумҳурӣ майдони кишти пахта 174979 гектарро ташкил дода, тибқи маълумотҳои фаврӣ дар ҷумҳурӣ аз аввали мавсим ба ҳолати 25.10.2024 172768 тонна пахта ҷамъоварӣ шудааст.

Рафти ҷамъоварии картошка дар хоҷагиҳои деҳқонӣ ва ҷамоавии ҷумҳурӣ

Дар асоси маълумотҳои фаврии Раёсати растанипарварӣ дар ҷумҳурӣ ба ҳолати  25.10.2024 дар майдони 37613  гектар картошка кишт карда шудааст.

Масоҳати ҷамъоваришуда 32699 гектар буда, ҳосилнокӣ 238 сентнер ва ҳосили умумӣ 778992 тоннаро ташкил медиҳад.

Рафти ҷамъоварии сабзавот дар хоҷагиҳои деҳқонӣ ва ҷамоавии ҷумҳурӣ 

Дар асоси маълумотҳои фаврии Раёсати растанипарварӣ дар ҷумҳурӣ ба ҳолати 25.10.2024 дар майдони 39978 гектар сабзавот кишт карда шудааст.

Масоҳати ҷамъоваришуда 39415 гектар буда, ҳосили умумӣ 1370892 тонна ва ҳосилнокӣ 349 сентнерро ташкил медиҳад. Аз он пиёз 650540  тонна, карам 60820 тонна, помидор 242082 тонна, бодиринг 123295 тонна, сабзӣ 153944 тонна ва дигар намуди сабзавотҳо 140212 тонна мебошад.

Ҷамъоварии полизиҳо дар хоҷагиҳои деҳқонӣ ва ҷамоавӣ

Дар асоси маълумотҳои фаврии Раёсати растанипарварии ҷумҳурӣ ба ҳолати 25.10.2024 дар майдони 19985 гектар полизӣ кишт карда шудааст. Масоҳати ҷамъоваришуда 19985 гектар буда, ҳосилнокӣ  364 сентнер ва ҳосили умумӣ 728288 тоннаро ташкил медиҳад.

Рафти ҷамъоварии меваю ангур дар ҷумҳурӣ

Ба ҳолати 25.10.2024 мевагиҳои ҷамъоваришуда 446282 тоннаро ташкил медиҳад, ки 125896 тоннаи онро ангур дар бар мегирад.

Захираи хӯроки чорво  дар хоҷагиҳои деҳқонӣ ва ҷамоавӣ дар ҷумҳурӣ

Дар асоси маълумотҳои фаврии Раёсати чорводорӣ, парандапарварӣ, моҳипарварӣ ва занбӯриасалпарварии вазорат дар ҷумҳурӣ дар соли 2024 тибқи дурнамо 2361626 тонна хӯроки  дурушт ва 132782 тонна хӯроки ширадор бояд захира карда шавад.

Ба ҳолати 18.10.2024 хӯроки дурушт 2377445 тонна ва хӯроки ширадор 62381 тонна захира карда шудааст.

Техника ва мошинолотҳои кишоварзӣ

Тибқи маълумотҳои оморӣ оид ба вазъи техника ва мошинолотҳои кишоварзӣ ба ҳолати  01.09.2024  дар ҷумҳурӣ ҳамагӣ 29105 адад техника аз он 27517 адад тракторҳои  гуногунтамға мавҷуд буда, 79%-и он омодаи кор мебошад.

Аз он 1443 адад тракторҳои шудгоркунанда, 1126 адад комбайни ғалладарав, 8411 адад ядакҳои тракторӣ, 10973 адад испорҳои тракторӣ, 3493 адад култиваторҳо, 2308 адад тухмипошакҳо аз он: 1889 адад тухмипошакҳои пахта, 1653 адад достҳои тракторӣ, 924 адад тойбанду тагрезчин, 129 адад комбайнҳои хӯроки чорвоғундор,  15 адад комбайнҳои ҷуворимаккағундор, 493 адад картошкаканакҳо, 225 картошкашинонакҳо, 18 адад мошини  пахтачинӣ ва 424     адад алафҷамъкунакҳо дар кишту кор иштирок намуда истодаанд.

Бояд қайд кард, ки мувофиқи маълумоти фаврӣ оид ба воридоти техника  ва мошинолоти кишоварзӣ дар 8 моҳи соли 2024 ба ҷумҳурӣ ҳамагӣ 3019 адад техника ва мошинолоти кишоварзӣ ворид гардида, аз он: тракторҳо 637 адад, комбайн иғалладарав 29 адад, испори тракторӣ 436 адад, мошини алафдаравии Е-302 22 адад, кулухмайдакунак (фреза) 45 адад, тойбанду тагрезчин 243 адад, дорупошак 68 адад, картошкашинонак 45 адад, картошкаканак 45 адад, тухмипошаки кишти дақиқи пахта 35 адад, тухмипошаки универсалӣ 12 адад, алафҷамъкунак 80 адад ва алафдаравак 247 адад.

Инчунин, техникаи ёрирасони соҳаи кишоварзӣ аз ҷумла: экскаватор  145  адад  ва боркунак (погрузчик)  104 адад ворид гардидааст.    

 Маркази матбуот ва иттилооти 

Вазорати кишоварзии Ҷумҳурии Тоҷикистон

Тел: 235 39 23